لو حكيت عن أمي
الـقــرار
(لو حكيت عن أمي
منين هلاقي كلام
دي رواية عمري
وهدية الأيام)2
❤ ❤ ❤ ❤ ❤ ❤ ❤ ❤❤ ❤
1. أنا لو حكيت عن
أمي هقول
جدعة وجميلة وبنت
أصول
على ايدها مليون
شدة تزول
ومعاها بتهون
الأوجاع
هى اللي شالت عني
كتير
وقلبها حنين وكبير
ست الحبايب وش الخير
وياما حضنها ضم
وساع
❤ ❤ ❤ ❤ ❤ ❤ ❤ ❤❤ ❤
2. فتحت عيني
لقيتها زمان
شايلاني على ايدها
وبحنان
واديتني فرح وخير
وأمان
متأخرتش عليا ف
يوم
تعبت عشان أبقى
أنا مرتاح
حضنها واسع وبراح
هى الدوا بيشفيلي
جراح
وطبطبة تنسيني
هموم
❤ ❤ ❤ ❤ ❤ ❤ ❤ ❤❤ ❤
3. ف عينيا أمي دي
ست الناس
غالية وتتاقل
بالماس
طول عمرها تتشال ع
الراس
وعمري زيها يوم ما
لقيت
لو هكي عنها هقول
حكايات
أنا أمي دي أجمل
البدايات
أنا أمي حب مالوش
نهايات
أنا أمي جنة ودنيا
وبيت
ليست هناك تعليقات:
إرسال تعليق